ගෘහස්ථ විදුලිය ගාස්තු අඩු කිරීම සඳහා ජනාධිපතිවරයාගේ නියෝගයක් අනුව විදුලිබල හා බලශක්ති අමාත්‍යාංශය වැඩපිළිවෙළක් සකස් කරමින් සිටින බව වාර්තා වේ.
ගෘහස්ථ විදුලිය ගාස්තු වැඩි ප‍්‍රතිශතයකින් ඉහළ නැංවීමෙන් විදුලිය පාරිභෝගිකයන්ට දැඩි අසාධාරණයක් සිදුවී තිබෙන හෙයින් ගාස්තු අඩු කොට ඔවුන්ට සහනයක් සලසා දෙන ජනාධිපති මහින්ද රාජපක්ෂ මහතාගෙන් ලැබී ඇති උපදෙස් අනුව මෙම පියවර ගන්නා බව සඳහන්ය.
මෙම වැඩපිළිවෙළ අනුව මසකට විදුලිය ඒකක 150 කට අඩුවෙන් භාවිතා කරන ගෘහස්ථ පාරිභෝගිකයින්ට සියයට 20 ක පමණ ගාස්තු සහනයක් හිමිවනු ඇතැයි අමාත්‍යාංශ ආරංචි මාර්ගවලින් පැවසේ.
විදුලිය ගාස්තු වැඩි කිරීමෙන් විදුලි බල මණ්ඩලය රුපියල් කෝටි 3,500 ක පමණ ආදායමක් බලාපොරොත්තු වූ අතර විදුලිය ඒකක 150 කට අඩුවෙන් භාවිත කරන පාරිභෝගිකයන්ට 20% ක ගාස්තු සහනය ලබාදීමෙන් එම ආදායම රුපියල් කෝටි 2,800 පමණ දක්වා පහත වැටෙනු ඇතැයිද කියැවේ.
0 comments:
Post a Comment